سلسلة سحر فن التسويق - السلوك الجماعى السلبى وأثره
السلام عليكم ورحمة الله وبركاتهاخواتى وحبايبى وحشتونى جدا جدا والله ورجعنالكم بعد طول غياب اعذرونا معلش غصب عننا بجد
ونتمنى اننا نقدر نعوض التقصير ده
نبدأ ببسم الله الرحمن الرحيم
السلوك الجماعى السلبى
ايه رأيكم فى العنوان ده ؟
تعالوا معانا نوضح قصدنا من الجمله دى وعلاقتها بالتسويق وازاى نستفيد من الموضوع المهم ده بأمر الله تعالى .
اكيد حضراتكم ملاحظين معانا أن الإعلانات التى تذكر أي سلوك جماعي سلبي هي في الواقع تشجع على انتهاج هذا الأسلوب السلبي .
فحين تذكر حقيقه مفادها أن عدد كبير جدا من الناس يفعل شيئا سلبيا ، فلذلك يسعى الجميع للتقليد والسير مع القطيع.
امثله للتوضيح ...
المثال الأول ....
حين وضعت لوحه فى غابه تقول إن عدد كبير من زوار الغابه يسرقون قطع الخشب من الغابه فلل تفعل مثلهم ، أدت هذه اللوحه لتزايد معدل السرقه ثلاث مرات ، لكن بعد إعادة صياغة الجمله لتقول رجاء لاتحرك قطع الخشب من مكانها جاءت النتائج افضل وقلت معدلات السرقه .المثال الثانى ...
وحين قال اعلان اخر أن ٢٢مليون امرأه لاتمارس حق الانتخاب المكفول لها ، ساعد ذلك الجمهور على الكسل وعدم المشاركه فى الانتخابات ، لان الانطباع العام كان أن الكل يفعل ذلك .والناس تميل بشكل عام للسير مع القطيع وتقليده فيما يفعل حتى ولو كان شيئا سلبيا .
لذلك اجعل دائما كلماتك مع العميل فيما يخص المنتج ايجابيه وان المنتج مطلوب ويزداد الطلب عليه باستمرار بعد فضل الله وأكيد كلامك مش كدب لان اكيد فيه عملاء كتير اشتغلت فى المنتج وطلبته تانى وتالت . بأختصار اذكر هذه المواقف الايجابيه بطريقه شيقه وجذابه علشان تقدر تكسب عملاء جدد يعرضوا منتجك ويهتموا بيه وكده انت عملت اللى عليك كرجل مبيعات ولله الأمر من قبل ومن بعد .
ملحوظه مهمه جدا جدا
خلى بالك لما تكون اول مره العميل يجرب المنتج بلاش كميات كبيره
ياريت تكون أقل كميه ممكنه علشان يقدر ا العميل يبيعها بسرعه أن شاء الله ويحس أن المنتج بيعه سريع وبالتالى يكون الانطباع الاول عن المنتج عند العميل ايجابى ويحبه ويطلب منه تانى أن شاء الله .
دمتم فى أمان الله
والسلام عليكم ورحمة الله وبركاته .
إرسال تعليق