كيف تدير مديرك - ازاى تقدر انت كموظف تشغل مديرك وليس العكس

اساسيات البيع للمبتدئين وإتمام الصفقه وحل الاعتراضات 

السلام عليكم ورحمة الله وبركاته.
حلقه النهارده مهمه جدا جدا ، وان شاء الله تتعلموا منها كل ماهو جديد ومفيد لحضراتكم فى حياتكم المهنيه أن شاء الله ، ، بالتوفيق .

باين من العنوان أنها من أهم الخطوات (إتمام الصفقه وحل الاعتراضات ) .

جميع الخطوات السابقه كانت تحضير لاتمام الخطوه دى ، وإتمام الصفقه او (البيعه) ،  وحل اعتراضات العميل .

خليكم معايا وان شاء الله نستفيد من الحلقه .

بعد ماحضرنا الزياره ، وحددنا أهدافنا ، وتم كشف الارصده سواء الرف أو المخزون - كده كل البيانات اكتملت عندنا ولا
يبقى سوى البدء ف البيع ، وعرض المنتجات على مسئول المشتريات .

فى الغالب بيحصل اعتراضات من العميل (و مسئول المشتريات ) ، وبيرفض الشراء بشكل عام أو شراء منتجات معينه بشكل خاص .

ودى اهم مرحله لانك بمجرد حل الاعتراض تم البيع والحمد لله

خطوات حل الاعتراض عند العميل :

١_استخراج كل الاعتراضات :

وكلمة السر هنا (لماذا ) أو باللغه العاميه (ليه ) ، وهنا يبدأ العميل ف الغالب بسرد مجموعة كبيره من الاعتراضات بعضها حقيقى ، والآخر وهمى (حشو كلام ) .

هنا لازم تكون مستمع جيد لكل اعتراضاته ، ومن غير مقاطعه تقديرا له ، وتفهما أكثر للموقف ، لتحديد الاعتراض الحقيقى أن شاء الله .

٢_ تحديد الاعتراض الحقيقى:

وكلمة السر هنا ( وايه كمان ) ، ودى لما يبطل سرد الاعتراضات ترد وتقوله وايه كمان يافندم ، انا معاك وتحت امرك وهنا بيحس العميل بثقتك ف نفسك ، وان الاعتراضات دى كلها عندك حلها واكتر من كده كمان وده طبعا بعد فضل الله وتوفيقه .

وبتديك فرصه تفكر ف كلامه ، وتحدد الاعتراض الحقيقى وراء رفضه للشراء .

٣_حل الاعتراض :

بعد تحديد الاعتراض الحقيقى ، والتأكد منه وفهمه بتبدأ بالحل ، والرد ع العميل ، من خلال معرفتك بمنتجك ومعلوماتك عنه بمصداقيه ، وبدون كذب أو تجميل مبالغ فيه .

تحدث عن منتجك ، وأظهر مميزاته مقابل عيوبه أو وضح سوء التفاهم أن كان الاعتراض غير حقيقى وفيه سوء تفاهم .

٤_ الوعد :

من الممكن أن يتمسك العميل برأيه ، ويرفض الشراء بعد كل هذا .
لا تتوقف ولاتنصرف هكذا الا بعد عرض فكرة ايجاد كميات بسيطه من الصنف للتجربه أو أخذ وعد من العميل بالتفكير ف الأمر ، وتنفيذ اوردر من المنتج خلال الزياره القادمه ان شاء الله .

٥_ التحليل :

لابد من التوقف وتحليل الموقف للاستفاده منه والتعلم .

أتمنى أكون قدرت اساعدكم ازاى تحلوا اى اعتراض يقابلكم مع العميل وبالتالي تكون عملية البيع ابسط ماتكون بعد توفيق الله وفضله .   
                           لكم منا كل تحية تقدير وشكر