كيف تدير مديرك - ازاى تقدر انت كموظف تشغل مديرك وليس العكس

اساسيات البيع للمبتدئين وتحديد احتياجات العميل

السلام عليكم ورحمة الله وبركاته
إخواتى وحبايبى ازيكم عاملين ايه
 واسف جدا ع التأخير ف الحلقه المهمه دى 

النهارده حلقتنا الرابعه بشكل عام والثالثه ف اساسيات البيع ، وتحديد احتياجات العميل.

خطوه مهمه جدا جدا ومن غيرها مش هقدر توصل لهدفك اللى انت حددته فعلا ، ومحتاج تحققه من زيارتك لعميلك .

وهى ازاى تحدد احتياجات العميل .
ازاى تعرف هو عايز ايه منك .
ازاى هتفيده وتوصله الاحساس ده بأنك جاى تفيده . ؟؟

تعالوا معايا وانا اقولكم ازاى أن شاء الله .
علشان احدد العميل ده محتاج ايه النهارده اول خطوه هى 

كشف الرف عند العميل:

 ومن خلال كشف الرف بقدر احدد الارصده اللى موجوده على الرف ، ووضعها بالنسبه للمنافس ، والتسعير وبالتالي العميل هيحتاج ايه ، وانا هاقدر افيده ازاى .

خلى بالك هنا لازم تشرح للعميل انت هتعمل ايه قبل ماتكشف الرف ، ولازم تفهمه ايه الهدف من الخطوه دى قبل ماتبدأ بيها - مثال لكده تقوله (تسمحلى ابص ع منتجاتنا عندك بسرعه علشان نحدد النواقص ، وازاى اقدر أفيدك بالعروض اللى معايا النهارده أن شاء الله ).

وكمان حاجه مهمه ف المرحله دى : لازم تكون سريع ولماح وأسألتك قليله ، وماتستعجلش على البيع .

تانى خطوه كشف المخزون :

وبتكون عن طريق تحديد الارصده الموجوده ف المخازن لمنتجاتى ، علشان اعرف واكون ملم بحركة المنتجات عند العميل ، وسرعة دورانها وبالتالي احدد قوته واحتياجاته الفعليه .

وماتنساش برده انك لازم تستأذنه قبل ماتبص ع المخزون وتفهمه الهدف من الخطوه دى .

دمتم ف أمان الله
سعدت بيكم النهارده والى اللقاء ف حلقات جديده ومفيده بأمر الله تعالى
والسلام عليكم ورحمة الله وبركاته .