الترقيه لمشرف مبيعات - ازاى تقدر تستعد وتترقى لمشرف مبيعات ؟
السلام عليكم ورحمة الله وبركاتهاحبابى فى الله أسأل الله العظيم رب العرش العظيم أن يصلح حالنا وحالكم ويرزقنا ويرزقكم من حيث لا نحتسب.
حلقة النهارده مهمه جدا لأى مندوب مبيعات ناجح وطموح وبيستعد وبيحضر للانتقال لمرحله جديده فى رحلته المهنيه وهى الترقيه لمشرف مبيعات .
ليك منى هديه من ٣ نقط اتمنى من الله أن ينفعكم بها .
١- اداره ٧٠% و بيع ٣٠% :
وده معناه أن حضرتك فى مرحلة الأشراف والاداره مهامك ودورك بيتقسم لاداره بنسبة 70%وبيع بنسبة30% .وده معناه انك فى المرحله دى بأختصار شديد مطلوب منك انك تدير عملية البيع ولا تقوم انت بعملية البيع بنفسك .
2- عميلك هو مندوبك :
رأس مالك هو عميلك .لما كنت مندوب فعميلك هو منفذ البيع سواء ماركت أو بقاله وهكذا .
لكن فى مرحلة الأشراف عميلك هو مندوبك ولازم تعامله زى ماكنت بتتعامل مع عميلك البقال أو الماركت وانت مندوب مبيعات من حيث إقناعه وتوصيلك الفكره ليه .... وهكذا .
٣- بتبيع فكره :
اتفقنا فى النقطه السابقه بأن مندوبك هو عميلك.السؤال هنا هتبيعله ايه ؟
هنا حضرتك بتبيع فكره . ايوه فكره مش تتعجب .
فكرة : ازاى يبيع وازاى يقنع العميل بمنتجه .
فكرة : ازاى يكبر قيمة الفاتوره .
فكرة : ازاى يقسم هدفه ويخططله.
فكرة : ازاى يبيع اى منتج فى عربيته .
فكرة : ازاى يحل اى اعتراض يقابله .
فكرة : ازاى يكسب ثقة عميله .
فكرة : ازاى يدير يومه ويخطط وينظم وقته .
فكرة : ازاى يحقق الهدف فى نهاية كل شهر وكوارتر .
وماسبق كان ع سبيل المثال وليس الحصر والأفكار لاتنتهى ابدا ماحييت والحمد لله .
باختصار انت كمشرف مبيعات بتبيع فكره لمندوبك (عميلك )علشان يقدر يبيع اى منتج تطلب منه يسوقه ويبيعها لأى عميل .
دمتم فى أمان الله
أزال أحد مشرفي المدونة هذا التعليق.
ردحذف