فرق كبير بين مندوب داخل المحل علشان البيعه
وواحد تانى داخل علشان يربى زبون ويكبره
اوعى تظن ان العميل غبى ومش هيفهم وياخد باله من الفرق ده من خلال كلامك وطريقة تعاملك
ان كنت عايز تربى زبون وتبقى شريك ف المحل كمان ،، عامل الزبون ع انه شريكك ف المصلحه واهتم بيه واظهرله اهتمامك ده كويس
ازاى بقى الكلام ده ؟
قبل ماتتكلم ف بيع فيه خطوات مهمه بل اهم من البيع
الاولى
ميعاد زيارتك يكون منتظم ومش تغيره ولا تعديه ف زياره حتى ان مااشتراش
الثانيه
قبل ماتتكلم ف بيع اطمن عليه وسلم كويس كأنه صديق وجاى تطمن عليه مش تبيع له
الثالثه
اطمن ع بضاعتك ومحلك ، بص ع رفك ، بص ع التواريخ ، بص ع الترتيب بتاع البضاعه والتنظيم ، بص حتى ع النظافه واطمن ع كل حاجه ، بص ع النواقص
رابعا
دايما ف كلامك وضح للعميل قولا ان ده محلك وانك مهتم بيه ومهتم بمصلحته وانك يهمك ان المحل يكون ف احسن حال دايما حتى وان مش اشتغل معاك
خامسا
لسانك حلو مع عميلك
لاقينى ولا تغدينى
لما يكلمك ف اى حاجه رد بأجابه جميله توضح اهتمامك
مثلا يكلمك ف سعر ، رد وقوله كلام جميل زى خلى عنك ، المهم مصلحة المكان وهكذا
وقبل اى شئ نستعن بالله
الافعال دى سبحان الله بتعتبر رساله مشفره ساحره بتوصل لقلب عميلك مهما كان بفضل الله وبتوفيقه من غير ماتتكلم ولا تتعب نفسك ف اقناعه بأنه هيكسب من تعامله معاك بتوفيق الله وفضله
إرسال تعليق