ازاى احل تحدى الكلام ف الاسعار ؟!!!
اولا
باخد الموضوع ببساطه
ثانيا
بعرفه ان ده طبيعى ف السوق
واقوله انت برافوا عليك انك جبت السعر ده الله ينور
ثالثا
تقوله انا نفسى ابيعلك الحاجه ببلاش كمان لانى عايز ابيع واحقق واقبض بأمر الله
بعد كده بتقوله ده سعر شركه وانا ملتزم بيها ف كل الشغل لابزود عليك ف حاجه وانزل ف حاجه تانيه ولا بخبر عليك عروض ولا بهرب من مشاكل ولا مش برضى اشيل مرتجعاتى او اى تحدى وبتابع معاك باستمرار وان ماجتش ليك انا لاى ظرف فيه غيرى هيجيلك ان شاء الله او انت هتتصل بالشركه من ع الفواتير وهتجيلك فانت معايا بأمر الله ف أمان بفضل الله مش تقلق
رابعا
توضح له ان اهم حاجه مصلحة المكان
حتى ان حب ياخد الصنف ويمشى نفسه وبعد كده لما يجيبه بالسعر اللى هو قال عليه ارجعوا له بالسعر الغالى بتاعنا والمصلحه واحده واهم حاجه مصلحة المحل
خامسا
وريله شغلك اللى مش مع حد واللى مش فيه حرق
اعرض عليه تشكيل كبير واعرض واعرض حتى ان كان بيرفض اعرض بردوا تانى وريله انت مين وتشكيلك اللهم بارك حجمه قد ايه بفضل الله وريله شغلك وقوتك من فضل الله
اوزن كفة السعر والكلام فيها بحاجات اهم من السعر
منتجات كتير
منتجات مميزه
منتجات فيها مكسب حلو
منتجات تجبله زبون حلو
منتجات عليها عروض
اعرض عليها كل حاجه
حتى وان مكنش هيشترى او بيشترى
اطلع من التحدى كسبان
وكله بتوفيق الله
وقبل كل ده لازم تفهم حاجه
لو انت مربى زبون هتلاقى الحل سهل ومن غير تعب بأمر الله ومش عايز اقولك انه هيكون هزار وممكن توصل انك هتقوله اه انا اغلى وهتشترى منى وفعلا هيشترى منك وانت اغلى كمان بفضل الله
اما ان كنت بتتعامل معاه ع انها بيعه وخلاص
فالحل هيبقى اصعب فعلا
بالتالى
ربى زبون من اول لحظه واشتغل ع كده
بلاش تجرى ورا البيعه
زبونك زكى وهيفهمك كويس مش هتعرف تضحك عليه ف النقطه دى بالخصوص والله اعلم
الله المستعان
إرسال تعليق